LAS ACTUALITATS
e activitats passadas
La bòria del Cambon / creacion d’una fonciéra agricòla en Cevenas
Contacte per participar : contact@fonciere-cevennes.fr
Los òrts partejats a Sant Joan del Gard – Restauracion del bacin
Contacte per participar al projècte dels òrts partejats de Sant Joan del Gard : accueil@centresocial-oustal.fr 0466851955
las activitats passadas
Mercés a la vòstra preséncia generosa pendent aquesta AG, a l’entorn de 80 personas son vengudas assistir a la presentacion de nòstra primièra annada coma associacion activa, sèm tan contents·as !
Pichòt cambiament de burèu anonciat : Matthieu Moillet i intra e André Mercoiret ne sortís.
Los talhièrs de trabalh en gropes faguèron emergir de refleccions interessantas e d’enveja de projèctes a partejar ! A la volada : restauracion dels lotjaments voides, trabalh amb las collectivitats, netejatge del Gardon, restauracion de bacins, recèrca de terrenhs inocupats a cultivar a pichòta escala, etc.
Mercés als Iguananas d’aver animat la fin de serada !
L’associacion Cevenas 2050 a organizat un estagi gratuit per apréner a restaurar los bacins d’irrigacion, de banh, d’agradament…
Didier, especialista dels enduches naturals a la cauç, nos a guidat dins aquel trabalh e ensenhat las tecnicas simplas necessàrias a la realizacion d’un enduch estanc a la cauç.
Aquel obrador s’es debanat sus 4 jorns pendent los quals totas las fasas de restauracion son estadas passadas en revista fins a l’enduch final d’estanqueitat.
L’estagi s’es debanat sus lo bacin d’irrigacion que servirà a alimentar los òrts partejats de Sant Joan del Gard tre aqueste prima.
Una serada convivenciala rica en escambis, en idèas e en proposicions per la seguida de las accions a realizar. Mercés !
Jornada de formacion « Far gropa a l’entorn d’un projècte comun » amb Clara de Nosautras. L’equipa de Cevenas 2050 a causit de prene lo temps de se formar, amb l’objectiu de s’obrir mai fluidament a un mai grand grop.
Restauracion del bacin d’alimentacion en aiga dels òrts, e del bial : maçonariá e pausa de busas recuperadas sul lòc. Una bèla jornada eficaça, gràcia a l’ajuda d’una dotzena de benevòls !
L’idèa de racheptar una pichona bòria cevenòla a Mialet foguèt lo punt de partença d’una aventura collectiva tendent a securizar l’usatge agricòla d’aquela tèrra… en descobrissent que de nombrosas personas partejan aquesta vision, l’idèa de fondar una fonciéra locala es nascuda.
Restauracion del bacin d’alimentacion en aiga dels òrts, e del bial : maçonariá e pausa de busas recuperadas sul lòc.
Un eveniment a l’entorn de las tematicas de l’abitatge, l’autonomia alimentària e la gestion de l’aiga. Dobèrt a un larg public, per mejan de conferéncias/debats, talhièrs participatius, espectacles, concèrts, animacions, expausants, activitats pels mainatges e restauracion. Autant d’espacis dedicats al partatge e a la convivencialitat per trabalhar ensem sus de novèls imaginaris.
Curatge del bacin d’alimentacion en aiga dels futurs òrts partejats de Sant Joan del Gard. De bèlas equipas de benevòls en accion, mercés !
Curatge del bacin d’alimentacion en aiga dels futurs òrts partejats de Sant Joan del Gard. De bèlas equipas de benevòls en accion, mercés !
